Газарзүйн мэдээллийн систем (ГМС)-ийн өдөр
(GIS Day)
Өмнөх 2008 онд бичиж байсан танилцуулгаасаа бага зэрэг ашиглаад Газарзүйн мэдээллийн систем (ГМС)-ийн өдрийн тухай та бүхэнд танилцуулья.
Үндэсний газарзүйн нийгэмлэг нь 1987 оноос хүүхдийн газарзүйн мэдлэгийг дээшлүүлэх үүднээс үйл ажиллагаагаа явуулж буй боловсролын байгууллагууд (сургууль, сургалт, сурталчилгааны байгууллага, их дээд сургуулиуд г.м)-дад Газарзүйг хөгжүүлэх долоо хоног (Geography Awareness Week) -ийг төрийн болон төрийн бус байгуулага, хувийн хэвшлүүдийн дэмжлэгтэйгээр 11-р сарын 3 дахь долоо хоног бүрийг зарлан тэмдэглэж байгаа бөгөөд энэ долоо хоногийн Лхагва гариг бүрийг Газарзүйн мэдээллийн систем (ГМС)-ийн өдөр (GIS day) болгон 1998 оноос эхлэн дэлхийн нийтээр тэмдэглэж байна. Энэ жил 16 дэхь жилдээ албан ёсоор 11-р сарын 19-ний өдөр тэмдэглэх гэж байна.
ГМС-ийн танилцуулга:Монгол улсын хувьд ч гэсэн, 2008 онд блогоороо дамжуулан Газарзүйн мэдээллийн систем (GIS)-ийн өдрийг Монголд тэмдэглэх санал гаргаад, 2009 онд анх удаа МУИС-ийн 1-р байрны 320 тоотод тэмдэглэн, 2010 онд хувийн шалтгааны үүднээс түр завсарлаад, 2011 оноос МУИС-ийн Газарзүй, геологийн сургуулийн /хуучнаар/ ГМС-ийн лабораторийн багш нар зохион байгуулж, түрүү жил ГМС-ийн олимпиад хэлбэрээр ч үйл ажиллагаа явагдсан билээ. Энэ жилээс эхлэн энэ чиглэлээр ажилладаг мэргэжилтэнгүүд, их дээд сургуулиудын ГМС-ийн багш, судлаач, оюутнууд хамтран дахин 2014 оны 11-р сарын 19-ний өдөр ГМС-ийн өдрийг тэмдэглэхээр бэлтгэл ажилдаа ороод байна. Удахгүй та бүхэндээ нэгдсэн үйл ажиллагааны хөтөлбөрийг танилцуулах болно.
No comments:
Post a Comment