Байгаль хамгаалалын Газарзүйн мэдээллийн систем (SCGIS)-ийн 2014 оны тэтгэлэг

Байгаль хамгаалалын Газарзүйн мэдээллийн системийн нийгэмлэг (SCGIS)-ийн 2014 оны тэтгэлэг

Байгаль хамгаалалын Газарзүйн мэдээллийн системийн нийгэмлэг (SCGIS)-ийн 2014 оны тэтгэлэг өнгөрсөн сард зарлагдсан бөгөөд ОХУ-ын бүсэд хамруулан Монгол улсаас оролцогчдын материалуудыг авах баяртай мэдээ ирлээ. 

Тэтгэлэгт хөтөлбөрт:

• ESRI-ийн ArcGIS Online болон Advanced ArcGISтүүний нэмэлт программуудыг ашиглах албан ёсны сертификаттай сургалт (2014 оны 6-р сарын 18-наас 7-р сарын 9, Калифорни, Дэвис хот)
• ESRI-гээс гаргасан ГМС-ийн ном сурах бичигүүд
• ArcGIS программ хангамжийг хөнгөлөлттэй үнээр худалдан авах
• ГМС-ийн техник, технологийн тусламж; жишээ нь GPS г.м
• SPOT хиймэл дагуулын өндөр нарийвчлалтай зурган мэдээллүүдийг өөрийн судалгааны болон сонирхогч буй газруудаар ҮНЭГҮЙ авах
• ESRI-гийн Хэрэглэгчдийн олон улсын их хурал 2014 (ESRI International User Conference 2014)-д оролцох (2014 оны 7-р сарын 14-18, Калифорни, Сан-Диего хот). Жилд 15000 гаруй ГМСчид дэлхийн өнцөг бүрээс цуглардаг том хурал.
• SCGIS-ийн 2014 оны уулзалт ярилцлагад оролцох (2014 оны 7-р сарын 10-13, Калифорни, Монтерее)
• Дээрх зүйлсүүдтэй холбоотой болон замын зардалын тодорхой хувийг даах

зэрэг маш олон, сайхан боломжуудыг багтаасан юм. 

Энэхүү тэтгэлэг нь 2 шаттайгаар оролцогчдыг тодоруулах бөгөөд эхний шатанд бүсийн хэмжээнд, удаахь шатанд SCGIS Global-ийн хэмжээнд 10-15 оролцогч шалгаруулах болно.

Тэтгэлгийн өргөдлийн маягтыг (Англи хэл дээр) эндээс татан авч, 3-р сарын 6-ны дотор scgisrussia@gmail.com гэсэн цахим шуудангаар илгээнэ үү.

Жич: Зөвхөн байгаль хамгааллын чиглэлээр судалгаа хийдэг хүмүүс оролцоно уу.

Эх сурвалж: SCGIS-Russia