Дөрөвдүгээр сарын Гео уулзалтын илтгэлүүд

Дөрөвдүгээр сарын Гео уулзалтын илтгэлүүд
Presentations of April Geomeeting

Өчигдөр энэ сарын "Гео-уулзалт" Шинжлэх Ухааны Парк, Мэдээлэл Технологийн 302 тоотод Монгол-Австралийн нийгэмлэг (MOZZIES)-ийн дэмжлэгтэйгээр амжилттай зохион байгуулагдлаа. Тус нийгэмлэгийн гүйцэтгэх захирал, Л.Ариунаа үйл ажиллагаанд оролцож, нээлтийн үг болон үйл ажиллагаа хэрхэн дэмжиж, хамтран ажиллаж байгаа талаар болон цаашид хэрэгжүүлж болох үйл ажиллагаануудын тухай мэдээлэл өглөө.

Уулзалтанд 50 гаруй салбарын мэргэжилтэнгүүд, судлаач, оюутнууд, сонирхогч нар цуглан байгаль хамгаалал, тухайлбал биологийн төрөл зүйлийн амьдрах орчны загварчлал, орчны болон уур амьсгалын өөрчлөлтийн нөлөөлөл зэргийг тооцоолоход гео-мэдээллийн технологи, аргачлалыг хэрхэн хэрэглэж буй тухай хэлэлцэж, ярилцлаа.

Уулзалтаар:

• "Гео-уулзалт"-уудын танилцуулга, төлөвлөгөө

• Байгаль хамгаалалын төлөвлөлт, дүн шинжилгээ хийхэд геомэдээллийн технологи, аргазүйг хэрэглэх боломжууд - Б.Бүүвэйбаатар, Байгаль, зэрлэг амьтдыг хамгаалах нийгэмлэг (WCS)-ийн Монгол дахь төлөөлөгчийн газар, Байгаль хамгаалалын судалгааны удирдагч

• 18:50 Биологийн төрөл зүйлийн амьдрах орчны зураглалд MAXENT загварыг ашиглах нь – Д.Энхбилэг, Хөхтөн Амьтны Экологийн Нийгэмлэг

Уулзалтын дундуур болон төгсгөлд нь ороцлогчид хоорондоо танилцуулж, цаашид хамтран ажиллах хэд хэдэн үйл ажиллагаануудын тухай ярилцлагууд боллоо. Тухайлбал, ирэх 9-р сарын албан ёсны, анхны ESRI-ийн Монголын хэрэглэгчдийн хурал буюу ArcGIS-ийн хурал, мөн Монгол Ай Ди ХХК-ийн боловсруулж буй газрын зураг, түүнтэй холбоотой бизнес боломжуудын тухай танилцуулга хийж, дараа дараагийн үйл ажиллагаануудад хамтран ажиллах саналыг солилцлоо.

Үйл ажиллагааны явцын тухай фото альбом болон онлайн шууд дамжуулалтын бичлэгтэй та бүхэн танилцана уу.

Энэ сарын уулзалтанд хүрэлцэн ирсэн, дэмжсэн, илтгэлээ танилцуулсан та бүхэнд баярлалаа.