2010 оны ESRI-гийн хэрэглэгчдийн хурлын эмхэтгэл

2010 оны ESRI-гийн хэрэглэгчдийн хурлын эмхэтгэл

Өнгөрсөн 7-р сарын 12-16-ны хооронд АНУ-ын Сан Диего хотноо ESRI-гийн Хэрэглэгчдийн олон улсын хурал болсон бөгөөд хуралд ойролцоогоор 15000 орчим ГМС-чид цуглаж өөрсдийн хэрэглэж буй салбар бүрээрээ хуваагдаж, шинээр гаргасан арга зүй, технологийг хэлэлцэж, орон зайн мэдээллийн системийг хөгжүүлэгч нар өөрсдийн бүтээл, бүтээгдэхүүнүүдийг танилцуулдаг томоохон хурлуудын нэг билээ. Энэхүү хурлын эмхэтгэл нь онлайнаар танилцах боломжтой юм байна. Та бүхэн дараахь хаягаар хандан үзнэ үү.

http://www.esri.com/events/user-conference/agenda/proceedings.html

QGIS-ийн Tethys хувилбар

QGIS-ийн Tethys хувилбар

Нээлттэй эх бүхий ГМС-ийн программ болох QGIS 1.5-р хувилбар буюу Tethys бэлэн болсон байна. QGIS нь Линукс, Юникс, Виндойс, Мак үйлдлүүдийн системүүдэд ажилладаг, бөгөөд GNU-ийн олон нийтийн ерөнхий лицензийн хүрээнд вектор, растер, өгөгдлийн сангуудын олон форматуудыг ашиглах, харах, боловсруулалт хийхээс гадна Python,C++ хэл ашигласан GIS-ийн нэмэлт хэрэгслүүдийг ашиглах боломжтой.

Боловсруулсан газрын зурагнуудыг хэвлэх, хэвлэлийн эх бэлтгэлийн форматууд руу хэвлэхээс гадна, интернетээр дамжуулан онлайн GIS хэрэгслүүдтэй ажиллах, хөгжүүлэх боломжтой. QGIS нь:

• Растер болон вектор мэдээтэй ажиллах
• GRASS GIS программ хангамжтай хоршиж ажиллах
• Бусад нэмэлт хэрэгслүүдийг (plugin) ажиллах
• Дижитайзер хийх
• Хэвлэх
• Python хэлийг ашиглах
• Вэб-ГМС-ийг ашиглах (WMS, WFS)
• Үндсэн ГМС-ийн үйлдлүүд

зэрэг үйлдлүүдийг агуулсан байна.

Татаж авах хаяг: http://www.qgis.org/wiki/Download

ESRI-гийн э-ном: Төрийн бус байгууллагууд

ESRI-гийн э-ном: Төрийн бус байгууллагууд
(Non-governmental Organizations)

ESRI-гийн Газарзүйн мэдээллийн систем (ГМС)-ийн шилдэг жишээнүүдийн цуврал э-номны "Төрийн бус байгууллагууд" гэсэн электрон номыг танилцуулж байна. Өмнө нь "ГМС бол Ногоон технологи", "Газарзүй болон ГМС-ийн эссэнүүд", "Африк дахь ГМС-ийн хэрэглээ", "Хөдөө аж ахуйд ГМС-ийг хэрэглэх", "Сэргээгдэх эрчим хүчинд ГМС-ийг хэрэглэх" э-номнуудыг танилцуулж байсан билээ.

Энэхүү номонд:

• ГМС гэж юу вэ?
• Удиртгал
• 1-р хэсэг: ТББ-уудын Хүрээлэн буй орчин дахь туслалцаа
• Сарьсан багваахайнуудын тоо толгойн бууралтаас шалтгаалсан халдварт өвчин
• Калифорнийн Напа сумын газар нутгийг хамгаалах
• Унаган байгалийг төлөөлөх газруудыг нээх
  
• Арлын газар нутгийг хамгаалахад туслах
• Нүүрсний уул уурхайн хор нөлөөг засахад ГМС-ийг хэрэглэх
• 2-р хэсэг: ТББ-уудын нийгэм дэхь туслалцаа
• Анголын цахилгаан эрчим хүчний сүлжээг дахин сэргээх
• Эцэг лам Жефф Патофийн өсвөр үеийн хөгжлийг дэмжихэд технологийн сургалт
• Лаос дахь олон нийтийн усны системийг бүтээн босгох
• ГМС-д тулгуурласан бичил санхүү, бүртгэлийн ядуурлыг багасах Гана-ын төсөл
• Хумхаа өвчлөлийг урьдчилан мэдээлэх систем
• Орон гэр шиг амьдрах газар алга

зэрэг төрийн бус байгууллагуудын байгаль орчин, нийгэм дэхь оролцоо, туслалцаанд ГМС-ийг хэрхэн ашиглаж үр дүнд хүрсэн жишээнүүдийг, зураглалын хамтаар танилцуулсан байна.

Номыг татах хаяг: http://www.esri.com/library/bestpractices/non-governmental-organizations.pdf

Эх сурвалж: ESRI press

"Хиймэл дагуулын мэдээг интернетээс хэрхэн татаж, боловсруулах вэ" сэдэвт семинар

"Хиймэл дагуулын мэдээг интернетээс хэрхэн татаж, боловсруулах вэ" сэдэвт семинар

Өнгөрсөн "Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын үеэр "Хиймэл дагуулын мэдээг интернет хэрхэн татаж, боловсруулах вэ" сэдэвт семинар 23-ны өдөр "Хиймэл дагуулын мэдээг интернетээс хэрхэн татаж, боловсруулах вэ" сэдэвт семинар Монгол улсын их сургуулийн NUM-ITC-UNESCO-ийн Зайнаас тандан судлал/Газарзүйн мэдээллийн системийн олон улсын лабортарид болсон билээ. Энэхүү семинарт танилцуулсан 2 илтгэлийг танилцуулж байна:

1. How to download LANDSAT data from USGS website:
   
   
   
2. About LANDSAT:
   
   
   

Энэхүү семинартай холбоотой нэмэлт мэдээлэл болон ийм төрлийн сургалтанд хамрагдахыг хүсвэл:

Проф, Др Р.Цолмон
tsolmon@num.edu.mn
7730-7730 (1311)

э-шуудангаар эсвэл утсаар холбогдоорой.

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын эмхэтгэл

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын эмхэтгэл

Өнгөрсөн 21-23-ны хооронд Монгол улсын их сургуулийн Монгол-Япон төв болон NUM-ITC-UNESCO-ийн Зайнаас тандан судлал/Газарзүйн мэдээллийн системийн олон улсын лабортарид болсон "Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын эмхэтгэлийг танилцуулж байна.

P.S: Хэрвээ илтгэгч нар зөвшөөрвөл дараагийн удаа хэлэлцүүлсэн илтгэлүүдийг танилцуулах болно.

“Байгаль орчны тандан судалгаа – 40” сэдэвт эрдэм шинжилгээний хурал

"Байгаль орчны тандан судалгаа – 40" сэдэвт эрдэм шинжилгээний хурал
Анхны зар

Монгол улсын Байгаль орчны салбарт Зайнаас тандан судлал үүсч хөгжсөний 40 жилийн ойг 2010 оны 12-р сарын эхний 7 хоногт тэмдэглэн өнгөрүүлэхээр төлөвлөж байна. Энэхүү түүхэн үйл явдалд зориулж "Байгаль орчны тандан судалгаа – 40" сэдэвт эрдэм шинжилгээний бага хурлыг зохион байгуулах гэж байгаатай холбогдуулан та бүгдэд хурлын зарыг хүргэж байна.

1. Хуралд байгаль орчин, байгалийн нөөц баялаг, байгалийн гамшгийн судалгаанд зайнаас тандан судлал, газарзүйн мэдээллийн системийг ашигласан, хийсэн судалгаа, хэрэглээ, төсөл, хөтөлбөрийн талаарх тавих илтгэлүүдийг хүлээн авах бөгөөд илтгэлийн хураангуйг 500 үгэнд багтаан монгол хэл (англи хэл дээр байж болно) дээр бичиж, 2010 оны 9-р сарын 30-ны дотор зохион байгуулах комиссийн дараахь э-шуудангаар ирүүлнэ үү.
2. Бидний зүгээс аль болох бусад байгууллага, хүмүүсийг өргөнөөр оролцуулж, хурлыг өргөн хүрээнд зохион байгуулах үүднээс зохион байгуулах комиссын бүрэлдэхүүнд та бүгдийг өөрсдийн нэрээ дэвшүүлэн бидэнтэй хамтран ажиллана гэдэгт гүнээ итгэж байна.

Жич: Эрдэм шинжилгээний хурлын тухай болон ойн баярыг тэмдэглэхтэй холбогдуулан ирүүлэх та бүхний санал бидэнд их үнэтэй байх болно.

Холбоо барих хаяг:

• Р. Оюун, ЖЭМР ХХК-ийн захирал: oyun@e-map.mn, Утас: 99060128,
• С. Хөдөлмөр, БОМТ-ийн захирал, NGIC төсөл: mtt@magicnet.mn, 91151662
• М. Баясгалан, БОМТөв/NGIC төсөл: mbs_999@yahoo.com, 99292123,

Хурал зохион байгуулах комисс

Байгаль орчны геомэдээллийн атлас

Байгаль орчны геомэдээллийн атлас

2006 оны 12-р сараас Байгаль орчин, аялал жуулчлалын яам (БОАЖЯ)-нд Нидерланд вант улсын санхүүжилтээр "Байгалийн нөөцийн менежментийн үндэсний геомэдээллийн төв" төсөл хэрэгжсэн бөгөөд төслийн хүрээнд саяхан хэвлэгдсэн "Байгаль орчны Геомэдээллийн атлас"-ыг танилцуулж байна. Атласт:

• Засаг захиргааны хилийн зураг
• Хөрсний зураг
• Цэвдэгийн зураг
• Гадаргын усны зураг
• Ландшафтын зураг
• Байгалийн бүс, бүслүүрийн зураг
• Ургамалжилтын зураг
• Ойн зураг
• Газар ашиглалтын зураг
• Хадлан, бэлчээрийн зураг
• Аялал, жуулчлалын зураг
• Тусгай хамгаалалттай газруудын зураг
• Шинээр ТХГ-т авах боломжтой газруудын зураглал
• Гадаргын усны зураг (MODIS, 2009)
• Газрын бүрхэвчийн зураг (MODIS, 2008)
• Ургамалжилтын төлөв байдлын зураг (MODIS, 2009)
• Ойн бүрхэвчийн зураг (MODIS, 2008)
• Ойн өөрчлөлтийн зураг (Төв аймаг, Батсүмбэр сум)
  
• Зарим байгалийн цогцолборт газрын газрын бүрхэвчийн зураг
• Туул голын сав газрын зураг
• Энерги, усны балансийн мониторингийн системийн бүтээгдэхүүнүүд:
  

1. Агаарын температурын дундаж
2. Хур тунадасны нийлбэр
3. Бэлчээрийн бодит биомасс
4. Цасан бүрхүүлтэй өдөр
   

• Түймрийн зураг (MODIS, 2009)
• Түймэрт шатсан талбайн зураг (MODIS, 2008, 2009)
• Шороон шуурганы зураг (MODIS, 2008)
• Цасан бүрхэцийн зураг (MODIS, 2010)
• Байгаль орчины мэдээллийн сангийн танилцуулга

г.м 30 гаруй төрлийн зураглал, тэдгээрийн мета-өгөгдлүүдийн мэдээлэл, холбоотой мэдээллийн сан болон тус төвийн өдөр тутам гүйцэтгэдэг цас, ургамалжилтын төлөв байдал, түймрийн мэдээлэл зэрэг бүтээгдэхүүнүүдийг танилцуулсан байна.

Энэхүү атласт дурьдагдсан мэдээллүүдийг http://geodata.mne-ngic.mn хаягаар хандан хэрэглэж болох юм байна.

Эх сурвалж: NGIC project

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурал

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурал

Дараа 7 хоногт буюу 6-р сарын 21-23-ны хооронд болох "Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын үйл ажиллагаанд бага зэргийн өөрчлөлт орсон байна. Бүртгэлийн хураамж нь 7000 төгрөг болсон бөгөөд та бүгдийг цагтай ирж оролцохыг хүссэн байна. Та бүхэнд болох газрыг дахин сануулахад: МУИС-ийн Япон-Монгол төв:


View Larger Map

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын хөтөлбөр

"Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын хөтөлбөр

Монгол Улсын Их Сургуулийн NUM-ITC-UNESCO Зайнаас тандан судлал (ЗТС) ба Газарзүй мэдээллийн систем (ГМС)-ийн лаборатори, Монголын дэлхий судлал, зайнаас зайнаас тандан судлах нийгэмлэг (МДСЗТСН), "Гео-мэдээлэл" блог* хамтран зохион байгуулж байгаа "Монгол улсын Гео-мэдээллийн технологийн хөгжил болон хэрэглээ" сэдэвт 4-р олон улсын эрдэм шинжилгээний хурлын хөтөлбөр бэлэн болсон байна. Та бүхэнд хурлын зохион байгуулах комиссын захидалыг бүрэн эхээр нь хүргэе.

Сайн байна уу

Та бүхэнд энэ өдрийн мэндийг хүргэе. “Тhe 4^th Annual International Conference on the Application and Development of Geospatial Technologies in Mongolia” сэдэвт олон улсын хурлын хөтөлбөрийг хүлээж авна уу. Хурал 6 сарын 21-нд МУИС-ийн Jаpan-Mongolia төвд 9 цагт эхлэх бөгөөд 8:30-д оролцогчдийн бүртгэл явагдах учраас та бүхнийг хоцролгүй ирэхийг хичээнгүйлэн хүсэе.

Хурлын бүртгэлийн хураамж 20 $ (27000 ₮) бөгөөд үүнд хурлийн эмхэтгэл, хавтас, СД, (хиймэл дагуулийн мэдээ), Star party -ын урилга, цай кофе багтана.

6 сарын 23-ны өдөр “Хиймэл дагуулийн мэдээг интернетээс хялбар аргаар татаж авах болон боловсруулах” сэдэвт семинар, зөвөлгөөн явагдах бөгөөд та бүгдийг тус семинарт идэвхтэй оролцохийг хүсэе.

Баярлалаа.

Хүндэтгэсэн
Цолмон

Dear Conference Participants and Colleagues,

Please accept the agenda of “The 4th Annual International Conference on the Application and Development of Geospatial Technologies in Mongolia”.

The conference will be held on Japan-Mongolia Center , on 21-22 June 2010.
Registration will start at 8:30 am.

Registration fee is 20 $ and it covers conference’s proceedings, conference materials, CD with satellite data, Star party’s invitation, and tea coffee break.

We will organize the training Workshop on “data distribution of publicly available satellite data and its simple processing” on 23 June, 2010.
We kindly invite you all to come to this event.

Kind regards,

Tsolmon R
NUM-ITC-UNESCO RS and GIS laboratory
National University of Mongolia

Phone: 77307730-(1311)

Хөтөлбөр:
Mongolia RS_GIS International Conference Agenda

Сонирхолтой видео: Цаг уурын хиймэл дагуулууд

Сонирхолтой видео: Цаг уурын хиймэл дагуулууд

Өнгөрсөн долоо хоногт Оросын Россия 2 сувгийн "Моя планета" нэвтрүүлгийн "Наука 2,0" булангаар хиймэл дагуулууд, тэдгээрийг цаг уурт хэрхэн ашиглаж байгаа болон байгалийн гамшигт үзэгдлүүдийг тодорхойлох, урьдчилан мэдээлэх, хохирлын дараах үйл ажиллагаанд хэрхэн ашиглаж болох талаар тайлбарласан сайхан нэвтрүүлэг гарлаа.

Сонирхолтой хэсгүүд:

Энэхүү нэвтрүүлгийг бэлдсэн Антон Войцеховский-тэй холбогдон тэрхүү нэвтрүүлгийн хэсгүүдээс блог дээрээ танилцуулах зөвшөөрөл авсан юм. Нэвтрүүлэг бүтнээрээ: (гэхдээ эхний 22 минут хүртэл ярилцлага, тэгээд цаг уурын хиймэл дагуулуудын тухай байгаа, шууд 22 минутаас үзээрэй.)

Эх сурвалж: Россия 2: "Моя планета"

Metop-AVHRR (MA10)-ийн 10 өдрийн нийлбэр мэдээ

Metop-AVHRR (MA10)-ийн 10 өдрийн нийлбэр мэдээ

Европын холбооноос ашгийн бус, судалгааны чиглэлээр ашиглахаар Metop-AVHRR (MA10) 10 өдрийн нийлбэр мэдээг олон нийтэд ҮНЭГҮЙ тарааж эхэллээ. Энэхүү мэдээллийг EUMETSAT (Европын холбооны цаг уурын хиймэл дагуул) хөтөлбөрийн хүрээнд UMARF (Цаг уурын мэдээг цуглуулах, хадгалах алба)-ны мэдээллийн сан болон EumertCAST (EUMETSAT-ийн мэдээлэл түгээх систем) холбооны сувгийг ашиглаж Бельгийн шинжлэх ухааны бодлогын алба (BelSPO-Brusells)-ны дэмжлэгтэйгээр, Европын холбооны Хамтын судалгааны төв (JRC)-ийн Хөдөө аж ахуйн зайнаас тандан судлалыг хэрэглэж мониторинг хийх алба (MARS)-наас санхүүжүүлж SPOT-Vgt бүтээгдэхүүнийг тараагч VITO-Belgium ажиллуулж байна. Одоогоор 2009 оны 1-р сараас хойших мэдээнүүд бэлэн байгаа бөгөөд дараа сарын сүүлээр 2008 оны мэдээг бүрэн оруулах юм байна. Мөн агаар мандлын заслага, усны уурын нэмэлт мэдээллүүдийг цаг уурын станцад хэмжсэн мэдээллүүдээр хийсэн байна.

2009 оны нийлмэл мэдээ

Metop-AVHRR MA10 нь Европын холбооны EUMETSAT хөтөлбөрийн Metop цаг уурын хиймэл дагуул, АНУ-ын NOAA хөтөлбөрийн AVHRR мэдрэгчийн мэдээллүүдийг нийлүүлсэн бүтээгдэхүүн бөгөөд 1 км-ийн орон зайн нарийвчлал бүхий 5 сувагтай (RED, NIR, SWIR, TIR1, TIR2), зөвхөн өдрийн цагаар цуглуулсан мэдээ юм байна. Нэмэлт мэдээллийг дараахь хаягнаас авна уу: http://www.metops10.vito.be/index.html

Эх сурвалж: VITO-Belguim

Э-ном: Нээлттэй эх үүсвэр бүхий программ хангамжийн газрын бүртгэл болон кадастр дахь хэрэглээ

Э-ном: Нээлттэй эх үүсвэр бүхий программ хангамжийн газрын бүртгэл болон кадастр дахь хэрэглээ, түүний боломжууд болон эрсдэлүүд
(FLOSS in Cadastre and Land Registration: Opportunities and Risks)

Энэ удаагийн э-ном цувралаараа та бүхэнд Нэгдсэн үндэстний байгууллагын Хүнс, хөдөө аж ахуйн байгууллага (FAO) болон Олон улсын хэмжил зүйн холбооны 7-р хэсгийн 7,3-р ажлын хэсэг (FIG Commission 7 WG 7.3) хамтран "Нээлттэй эх үүсвэр бүхий программ хангамжийн газрын бүртгэл болон кадастр дахь хэрэглээ, түүний боломжууд болон эрсдэлүүд (FLOSS in Cadastre and Land Registration: Opportunities and Risks)" номыг саяхан хэвлүүлсэн байна. Энэхүү бүтээл нь дээрх 2 байгууллагын сүүлийн 4 жилийн хамтын ажилын үр дүн юм. 21-р зуунд газрын бүртгэл, кадастрын удиртгалын системүүд нь мэдээллийн технологигүй ямар ч үр дүнгүй, ашиггүй бөгөөд энэхүү номыг FLOSS (free/libre/open source software) буюу нээлттэй эх үүсвэр бүхий программ хангамжуудыг ашиглан энэхүү системүүдийг хэрхэн хөгжүүлж болох, басхүү эдгээр системүүдийг хэрэглэж буй Европ, Африкийн хэд хэдэн орны туршлага, жишээ дээр тулгуурлан туурвисан байна. Ном нь:

• Удиртгал
• Нээлттэй эх үүсвэрийн тухай, Кадастртэй хэрхэн холбох
• Багаж хэрэгслүүд болон боломжууд
• Улс орнуудын туршлагууд
• Дүгнэлт

гэсэн 5 бүлгээс бүрдсэн юм байна. Номыг татаж авах хаяг:

http://www.fig.net/pub/fao/floss_cadastre.pdf

Эх сурвалж: FIG Commission 7 WG 7.3

Дэлхийн хөл бөмбөгийн аварга шалгаруулах 2010 тэмцээн болох 10 стадионы зураг

Дэлхийн хөл бөмбөгийн аварга шалгаруулах 2010 тэмцээн болох 10 стадионы зураг

Удахгүй дараа сард болох (6-р сарын 11-нээс 7-р сарын 11-ны хооронд) Дэлхийн хөл бөмбөгийн аварга шалгаруулах 2010 тэмцээн болох Өмнөд Африкийн 10 стадионы сансраас авсан зурагыг та бүхэндээ танилцуулж байна. Эдгээр зураглалыг 2009 оны сүүлчээс эхлээд энэ сар хүртэл 6 сарын хугацаанд Европын холбооны SPOT болон Солонгосын KOMPSAT2 хиймэл дагуулуудын мэдээг ашигласан болно.

Johannesburg – Soccer city

Cape Town – Cape Town Stadium



Johannesburg – Elis Park Stadium



Durban – Moses Mabhida Stadium



Pretoria – Loftus Versfeld Stadium



Rustenburg – Royal Bafokeng Stadium



Bloemfontein – Free State Stadium



Port Elizabeth Nelson Mandela Bay Stadium



Polokwane – Peter Mokaba Stadium



Nelspruit – Mbombela Stadium

Сонирхуулахад нээлт болон хаалтын үйл ажиллагаа болох Иохансбургийн City Soccer стадион нь 94700 хүний суудалтай 1987 онд баригдсан юм байна.

Мөн та бүхэнд эдгээр зураглалуудын видеог танилцуулья:


Эх сурвалж: SPOT, Youtube

Дэлхий ертөнцийг тольдохуй

Дэлхий ертөнцийг тольдохуй

Үндсэн сэдвээсээ хазайсан гэхдээ маш сонирхолтой нэгэн вэб хуудасыг та бүхэнд танилцуулах гэсэн юм. Хүүхэд байхын тэнгэр лүү оддыг харан, чухам ямар учир шалтгаанаас энэ бүхэн гайхалтай, сонирхолтой болохыг тэмтэрч, мэдрэхийг хүсэж, огторгуйд тэмүүлэхийг мөрөөддөг байлаа. Сар, жилүүд урсах тусам энэ мөрөөдөл минь нэг л хоосон, бас бүтэхгүй юм шиг санагддаг болсон билээ. Өнөөдөр интернетээр хэсэж байхдаа нэгэн сонирхолтой чухам тэрхүү мөрөөдлийг минь биелүүлсэн хуудасыг олж харлаа.

Микрософт компани ер нь мэдээллийн технологийн ихэнх архагууд сүүлийн "гео" эсвэл орон зай, дэлхий ертөнцийн тухай мэдээлэл бүхий системүүдийг гаргаж хоорондоо өрсөлдөж байгаа билээ. Үүний нэг илрэл бол Google Earth vs Virtual Earth зэрэг программ хангамжууд билээ.

Микрософт компаниас өөрийн Silverlight технологийг сурталчилах, мөн түүн дээр тулгуурлан маш олон төрлийн сэдвийг хамарсан танилцуулга, мэдээллийн вэб хуудасуудыг хийж болох бодит жишээг харуулсан WorldWide Telescope (Дэлхий ертөнцийг тольдохуй) вэб хуудасыг хийсэн байна. Энэ л хуудасанд тэр л хүүхэд насны мөрөөдөл болсон манай дэлхий, гариг ертөнц, од эрхэсийн зураг, мэдээлэлүүдийг агуулсан бөгөөд сүүлийн үеийн бүхий технологиудыг ашигласан газраас болон сансараас өндөр нарийвчлалтайгаар авсан зураг мэдээллүүдийг та өөрөө дурангаар харж байгаа мэт сэтгэгдэл төрүүлэхээр бүтээсэн байна.


Энэ хуудасыг шууд вэбээр харахаас гадна та бүхэн компьютер дээрээ нэмэлт программ хангамжийн татан суулгаж, ашиглаж, үзэж болох юм байна.

Эх сурвалж: Microsoft Research

"Монгол улсын Гео-мэдээллийн технологийн хөгжил болон хэрэглээ" сэдэвт олон улсын эрдэм шинжилгээний 4-р их хурал

"Монгол улсын Гео-мэдээллийн технологийн хөгжил болон хэрэглээ" сэдэвт олон улсын эрдэм шинжилгээний 4-р их хурал

ЗАРЛАЛ

Монгол Улсын Их Сургуулийн NUM-ITC-UNESCO Зайнаас тандан судлал (ЗТС) ба Газарзүй мэдээллийн систем (ГМС)-ийн лаборатори, Монголын дэлхий судлал, зайнаас зайнаас тандан судлах нийгэмлэг (МДСЗТСН), "Гео-мэдээлэл" блог* хамтран ээлжит "Монгол улсын Гео-мэдээллийн технологийн хөгжил болон хэрэглээ" сэдэвт олон улсын эрдэм шинжилгээний 4-р их хурлыг 2010 оны 6-р сарын 22, 23-нд Монгол-Японы төв дээр зохион байгуулах гэж байна.

Энэхүү хурал нь гео-мэдээллийн шинжлэх ухаан, технологи, ЗТС ба ГМС болон эдгээрийг ашигладаг салбаруудын эрдэмтэн судлаачдад судалгааны үр дүн, туршилт, ирээдүйн зорилго, мөн шинэ санаагаа солилцонгоо сүүлийн үеийн гео - мэдээллийн технологи түүний хэрэглээний талаар мэдэх (ойлголт авах) зэрэг өргөн боломжийг бүрдүүлж байна. Хурал нь үндсэн, аман илтгэл, ханын илтгэл болон тулгамдаж буй асуудлуудаар хэлэлцүүлэг гэсэн хэсгүүдээс бүрдэхээс гадна дараах сэдвүүдийг хамрах болно:

• Биологийн олон янз байдал, экосистемийн хамгаалал
• Хүний үйл ажиллагаа болон нийгмийн дүн шинжилгээнүүд
• ГМС-ийн бодлого, эрх зүйн асуудлууд
• Байгалийн нөөц баялагийн менежмент
• Шинэ технологи, арга зүйн хэрэглээ, туршлага

Хурлын талаархи дэлгэрэнгүй мэдээллүүдийг http://www.geospatialmongolia.org/; geospatialmongolia@gmail.com; tungalag86@yahoo.com э-шуудангаар эсвэл 7730-7730 (1311) дугаарын утсаар холбогдоно уу.