Аравдугаар сарын "Гео-уулзалт"

Аравдугаар сарын "Гео-уулзалт"

Ээлжит уулзалт маань нилээд завсарлаж байгаад энэ сараас эхлэн та бүхэндээ дараахь хөтөлбөрийн дагуу 10-р сарын 8-ны өдөр Рамада зочид буудлын Кристалл уулзалтын өрөөнд 18:30 - 20:30 цагын хооронд болно.

Хөтөлбөр:

18:30 Танилцуулга - Л.Очирхуяг, "Гео-мэдээлэл" блог

18:40 Монгол орны төвийн бүсийн газрын бүрхэвчийн өөрчлөлтийн судалгаа - А. Тунгалаг, МУИС-ийн докторант

19:10 Завсарлага

19:30 Гангийн төлөв байдлыг төрөл бүрийн индексээр оновчтой үнэлэх боломж - Д. Булган, ЦУОШГ-ын Байгаль орчны мэдээллийн төв

20:00 Асуулт, хариулт

Санаачлагч:

"Гео-мэдээлэл" блог

Зохион байгуулагч:

Монголын Гео-мэдээлэлийн Холбоо

Дэмжигч:

Тогтвортой хөгжил, экосистемийн хүрээлэн

Ивээн тэтгэгч:

"Геосет" ХХК

Хаяг:

Өндөр нарийвчлалтай /30м/ газрын бүрхэвчийн мэдээ

Өндөр нарийвчлалтай /30м/ газрын бүрхэвчийн мэдээ

Өнгөрсөн сарын сүүлээр БНХАУ-ээс 2010 оноос хойш хэрэгжүүлсэн томоохон төслийнхөө үр дүн болох НҮБ-д  өндөр нарийвчлалтай /30м/ хиймэл дагуулын мэдээллээс өөрсдийн боловсруулсан газрын бүрхэвчийн мэдээллийг олон нийт болон судалгааны чиглэлээр, ялангуяа уур амьсгал, тогтвортой хөгжлийн чиглэлээр ашиглаж болохоор түгээж эхэлсэн байна. Та бүхэн дараахь хаягуудаар хандан, өөрсдийн судалгааны мужаар татан авч хэрэглэх боломжтой юм байна.

http://glc30.tianditu.com  эсвэл http://www.globallandcover.com 

Эх сурвалж: Тогтвортой хөгжлийн Мэдлэгийн сан

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлын эмхэтгэл

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлын эмхэтгэл

Өнгөрөгч зурагдугаар сард зохион байгуулагдсан "Монгол улс дахь Зайнаас тандан судлал, байгаль болон хүрээлэн буй орчны инновациуд" сэдэвт олон улсын хурал дээр тавигдсан илтгэлүүдийн хураангуйн эмхэтгэлийг танилцуулж байна.




Та бүхэн сонирхсон илтгэл  болон нэмэлт мэдээллүүдийг илтгэгч нартай нь холбогдож авна уу.

Эх сурвалж: МУИС, "Зайнаас тандан судлал, Сансар судлалын лаборатори"

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлын хөтөлбөр

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлын хөтөлбөр

МУИС-ийн "NUM-ITC-UNESCO"-гийн Зайнаас тандан судлал, газарзүйн мэдээллийн системийн лабораториос 2014 оны 6-р сарын 16-17-нд МУИС-ийн хичээлийн 1-р байрны 320 тоотод зохион байгуулж буй "Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлын хөтөлбөр:

Эх сурвалж: NUM-ITC-UNESCO Lab

Вэб-ГМС: Усны сав газрууд

Вэб-ГМС: Усны сав газрууд

(Хархираа,Түргэн болон  Улз голын сав газрууд)

Монгол улсын Засгийн Газар, Байгаль орчин, Ногоон хөгжлийн яам, НҮБ-ийн Хөгжлийн хөтөлбөр болон Дасан зохицох сангаас усны сав газрын экосистемийн тэнцвэрт байдлынг тэтгэснээр уур амьсгалын өөрчлөлтөд дасан зохицох үндэсний болон орон нутгийн чадавхийг бэхжүүлэхэд дэмжлэг үзүүлэхээр "Экосистемд түшиглэсэн дасан зохицох арга хэмжээг уур амьсгалын өөрчлөлтөнд өндөр эрсдэлтэй голуудын сав газарт хэрэгжүүлэх нь МОН/12/301" төслийг 2012-2017 онд хэрэгжүүлж байна. Төслийн зорилтот бүс нь:

• Алтайн уулс болон их нууруудын сав газрын экосистем: Хархираа, Түргэний голын сав газар
• Дорнодын тал хээрийн экосистем: Улз голын сав газар

гэсэн 2 бүс нутагт хийсэн зарим судалгааны үр дүн болон бусад мэдээ, өгөгдлүүдийг вэб-ГМС-ээр олон нийтэд танилцуулж байна.

1. Алтайн уулс болон их нууруудын сав газрын экосистем: Хархираа, Түргэний голын сав газар

2. Дорнодын тал хээрийн экосистем: Улз голын сав газар

Эх сурвалж: "Экосистемд түшиглэсэн дасан зохицох арга хэмжээг уур амьсгалын өөрчлөлтөнд өндөр эрсдэлтэй голуудын сав газарт хэрэгжүүлэх нь" төсөл

Тавдугаар сарын Гео-уулзалтын илтгэлүүд

Тавдугаар сарын Гео-уулзалтын илтгэлүүд

Тавдугаар сарын Гео-уулзалтад ирсэн та бүхэнд баярлалаа. Уулзалтаар танилцуулагдсан илтгэлүүд:

• Танилцуулга

• Орон зайн хамаарал ба Топологи

• OSM программ хангамжийн хөгжүүлэлт

Дараагийн саруудад уулзалтууд түр хойшлох бөгөөд 6-р сарын хувьд МУИС-ийн "NUM-ITC-UNESCO" Зайнаас тандан судлал, Газарзүйн мэдээллийн системийн лабораториос "Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурлыг 16,17-ний өдрүүдэд зохион байгуулах ба блогоор дамжуулан мэдээллүүдийг хүргэх болно. Долоодугаар сард зуны амралт тул "Гео-уулзалт" түр завсарлаж, харин 8-р болон 9-р сарын аль нэгнээс эхлэн "#Геоуулзалт"-ууд маань үргэлжүүлэн явагдах болно.

Тавдугаар сарын “Гео-уулзалт”

Тавдугаар сарын “Гео-уулзалт”

Энэ сарын “Гео-уулзалт/Geo-meeting”  5-р сарын 21-ны 18:30 - 20:30 цагын хооронд Sweet cafe-д (IT Park-ийн баруун урд талд, ADMON хэвлэлийн газар луу явдаг зам дээр 4 давхар шар байшин ) зохион байгуулагдана.

Хөтөлбөр:

18:30 Танилцуулга - Л.Очирхуяг, “Гео-мэдээлэл” блог

18:40 Орон зайн хамаарал ба Topology - Э.Баярмаа, Газрын харилцаа, геодези, зураг 
зүйн газрын Стратеги, төлөвлөлтийн хэлтэс

19:10 Засварлага

19:30 Нээлттэй эх үүсвэр бүхий зураглал буюу OSM программ хангамжийн хөгжүүлэлт,  
хэрэглээ - Х.Энхбат, Шинжлэх ухаан, технологийн их сургуулийн Геологи, 
Газрын тосны сургууль

20:00 Асуулт, хариулт

сул

Санаачлагч:  

"Гео-мэдээлэл" блог

Зохион байгуулагчид:

“Geomongol” блог

"Тогтвортой хөгжил, экосистемийн судалгааны хүрээлэн" ТББ

Дэмжигч:

МОНМЕТ ИНЖЕНЕР ХХК

Хаяг:

Сурах бичиг: "Олон нийтийн газрын зураг болон хамтын оролцоотой ГМС-ийн зааварчилгаа"

Сурах бичиг: "Олон нийтийн газрын зураг болон хамтын оролцоотой ГМС-ийн зааварчилгаа"

(A Guide to using Community Mapping and Participatory GIS)

Сүүлийн жилүүдэд хамтын оролцооны аргаар бүхий л түвшний шийдвэр гаргалт болон үйл ажиллагаануудыг төлөвлөлтийг хийж байгаа бөгөөд үүний тулд олон нийтийн идэвхтэй ажиллагааны зарчим дээр тулгуурлаж байна. Үүний нэг жишээ нь өнгөсрсөн жил Улаанбаатар хотын хороодын газрын зургийг тухайн хороодын иргэдийн тусламжтайгаар Google Earth дээр зураглах үйл ажиллагаа явагдсан байна.

Энэхүү үйл ажиллагааны үндсэн зарчим болох хамтын оролцоотойгоор ГМС болон олон нийтийн зураглалын тухай зааварчилгаа бүхий сурах бичгийг Английн Иорк их сургуулийн судлаачдын гаргаж, олон нийтэд түгээж эхэлсэн байна. Энэ сурах бичигт зураглалын загвар, хэлбэр, цуглуулах мэдээ, өгөгдлүүдийн тухай, түүнд олон нийтийг хэрхэн оролцуулах талаар болон цаашид хийж болох үйл ажиллагааны төлөвлөлтүүдийн тухай дурьдсан байна.

Та бүхэн зааварчилгааг дараах интернет хуудасаар дамжуулан үзнэ үү.

http://www.tweedforum.org/research/Borderlands_Community_Mapping_Guide_.pdf

Эх сурвалж: PPGIS

Ном: PCI Geomatics-ийн сурах бичгүүд

Ном: PCI Geomatics-ийн сурах бичгүүд

Зайнаас тандан судлал, агаар, сансрын дүрс мэдээний боловсруулалтын томоохон программ хангамжийн нэг болох PCI Geomatics өөрийн хичээлийн сурах бичгүүдийг олон нийтэд, арилжааны бус зорилгоор ашиглахаар түгээж эхлэлээ. Энэхүү сурах бичгүүд нь:

• Geomatica I сурах бичиг
• Geomatica II сурах бичиг
• Geomatice OrthoEngine буюу 3 хэмжээст зураглалын тухай
• SAR дүрс мэдээ боловсруулалтын тухай

нар бөгөөд энэ хаягаар бүртгүүлж, ҮНЭГҮЙ татан авч үзнэ үү.

Эх сурвалж: PCI Geomatics

Дөрөвдүгээр сарын "Геоуулзалт"-ын илтгэлүүд

Дөрөвдүгээр сарын "Геоуулзалт"-ын илтгэлүүд

Дөрөвдүгээр сарын "Геоуулзалт"-нд хүрэлцэн ирсэн та бүхэнд баярлалаа. Уулзалтаар танилцуулагдсан илтгэлүүд:

• Танилцуулга

• Газарзүйн мэдээллийн систем, хэрэглээ

• MapInfo программ хангамжийн тухай

Энэ сарын үйл ажиллагааг дэмжиж хамтран ажилласан "Монголын геодези, фотограмметр, зураг зүйн холбоо", МУИС-ийн Тогтвортой хөгжлийн хүрээлэн, "Ай Ти Эксперт" ХХК болон хүрэлцэн ирсэн та бүхэнд баярлалаа.

Дөрөвдүгээр сарын “Гео-уулзалт”

Дөрөвдүгээр сарын “Гео-уулзалт”

Энэ сарын “Гео-уулзалт/Geo-meeting” маргааш буюу 4-р сарын 23-ны 18:00 - 20:00 цагын хооронд “Рамада” зочид буудлын “Болор” (Crystal) өрөөнд "Газарзүйн мэдээллийн систем (ГМС)-ийн хэрэглээ: MapInfo программ хангамжийн тухай" сэдвийн хүрээнд дараахь хөтөлбөрийн дагуу зохион байгуулагдана.

Хөтөлбөр:

18:00 Танилцуулга, Газарзүйн Мэдээллийн Систем (ГМС) - Л.Очирхуяг

18:20 Засварлага

18:40 MapInfo программ хангамжийн тухай танилцуулга - А.Мөнхбадрал, Ай Ти

Эксперт ХХК:

• Хот төлөвлөлт дэхь хэрэглээ
• Статистик мэдээ боловсруулалт
• Байгаль орчны мэдээ, өгөгдлүүд
• Бизнеc хөгжүүлэлтэнд ГМС-ийн оролцоо

19:40 Асуулт, хариулт

Төлбөр: ҮНЭГҮЙ

сул

Санаачлагч:  

"Гео-мэдээлэл" блог

Зохион байгуулагчид:

MapInfo программ хангамжийн Монгол дахь дистьюбетэр “Ай Ти Эксперт” ХХК

МУИС-ийн Тогтвортой хөгжлийн хүрээлэн

Дэмжигчид:

Монголын Геодези, Зураг зүй, Фотограмметрийн холбоо

“Geomongol” блог

ХАЯГ:

Ном: "Зураг зүй бол орон зайн дүн шинжилгээний багаж хэрэгсэл"

Ном: "Зураг зүй бол орон зайн дүн шинжилгээний багаж хэрэгсэл" 

(Cartography - A tool for Spatial Analysis)

Өмнө нь нээлттэй эх үүсвэр бүхий гео оронзайн программ хангамжийн тухай дурдаж байсан бол энэ удаа нэгэн томоохон нээлттэй эх үүсвэр бүхий ном, эрдэм шинжилгээний сэтгүүлүүдийн InTech Open access бүхий номнуудаас цувралаар танилцуулахаар бэлдлээ. Өнөөдөр та бүхэнд "Cartography - A tool for Spatial Analysis" буюу "Зураг зүй бол орон зайн дүн шинжилгээний багаж хэрэгсэл" хэмээх номыг танилцуулж байна.

Дэлхийн байгалийн болон нийгэм дэхь харилцан үйлчлэлийн орчин нь эх газар бөгөөд энэ төвөгтэй цогц системүүдийн өөрчлөлт, дотоод болон гадаад харилцан үйлчлэлүүдийн тухай ойлголт авах, дүн шинжилгээ хийх багаж хэрэгсэл бол зураг зүй юм. Энэхүү ном нь томоохон нутаг дэвсгэрээс эхлээд төрөл бүрийн зураг зүй багаж хэрэгслүүдийн үр дүн, тэдгээрийг олон нийтэд танилцуулсан хэлбэрүүд болон загваруудыг өгүүлсэн юм. Өнгөрсөн зууны аргачлалд хэрэглэж буй арга зүйг ойлгож тэдгээрт хэрэглэсэн мэдлэг, мэдээллүүдээр орчин үеийн зураг зүйг хөгжүүлэх болно.

Нэмэлт болон энэхүү номыг http://www.intechopen.com/books/cartography-a-tool-for-spatial-analysis хаягаар хандана үзнэ үү.

Эх сурвалж: InTech Open

"Газрын зураг-Баатар" буюу MapHero уралдаан

"Газрын зураг-Баатар" буюу MapHero уралдаан

Юуны өмнө хүлцэл өчихөд бага зэрэг хувийн шалтгаанаас энэ сарын "Гео-уулзалт" маань хойчилж байгаа хэдий ч энэ сарын уулзалтын сэдэвтэй холбоотой нэгэн уралдааны тухай та бүхэндээ танилцуулах гэсэн юм.

ГМС-ийн судлаач, мэргэжилтэн, сонирхогч та бүхэн өөрсдийн бүтээсэн, зурагласан урлагийн бүтээл гэж болохоор MapInfo компаниас зохион байгуулж байгаа "Хамгийн сайн гэсэн газрын зурагаа "Газрын зураг-Баатар" буюу MapHero"-д илгээж Микрософт компаний Surface 2 таблет хожоорой. Уралдаан нь :

Ангилан нэг :  Сонирхолтой газрын зураг  буюу дэлгүүр хэсэхэд хаагуур явбал түгжирэхгүй байх, түгээлт хийхэд хамгийн дөт зам аль вэ зэрэг та цаг хугацаа хэмнэсэн, бүтээмж бүхий сонирхолтой эсвэл хөгжилтэй эсвэл гажууд газрын зурагнуудыг энд хүлээж авах болно.

Ангилал хоёр:  Олон нийтийн үйл ажиллагаанд зориулсан газрын зураг буюу сайн дурын үйл ажиллагаа хаана амжилттай хэрэгжиж болох, хаанаас бусдад нөлөөлөл үзүүлж болох газар зэргийг үзүүлсэн газрын зурагнуудыг энд хүлээж авна.

Ангилал гурав: Газрын зурагны дүрслэл буюу хамгийн сайн бүтээлч бараг л урлагийн бүтээл гэж болохоор газрын зурагнуудаа энд илгээнэ үү.

Нэмэлт мэдээллийг MapHero хуудаснаас үзнэ үү.

Эх сурвалж: MapInfo

"Гео-уулзалт" Дөрөвдүгээр сар / April "Geo-meeting"

"Гео-уулзалт" Дөрөвдүгээр сар 

April "Geo-meeting"

Сар бүр зохион байгуулагддаг “Гео-уулзалт”-ын дөрөвдүгээр сарын уулзалт “Газарзүйн мэдээллийн систем (ГМС)-ийн хэрэглээ: MapInfo программ хангамжийн тухай” гэсэн сэдвийн хүрээнд энэ сарын 23-нд Рамада зочид буудлын хурлын танхимд 18:30 - 20:30 цагын хооронд болох тул та бүхнийг хүрэлцэн ирэхийг урьж байна. Энэхүү уулзалтаар:

• Газарзүйн мэдээллийн систем
• ГМС-ийн хэрэглээ
• ГМС-ийн томоохон программ хангамжийн нэг болох MapInfo программын тухай
• MapInfo программын хэрэглээнүүд:
• Хот төлөвлөлт дэхь хэрэглээ
• Статистик мэдээ боловсруулалт
• Байгаль орчны мэдээ, өгөгдлүүд
• Бизнеc хөгжүүлэлтэнд ГМС-ийн оролцоо

зэрэг сэдвүүдийг хамруулах болно.

We would like to join us in our monthly Geo-meeting event, which is an April Geo meeting named by “Application of Geographical Information System (GIS): Introduction of MapInfo” at the meeting room of Ramada hotel, on April 16, 2014, 6:00-8:00 pm. This meeting covers:

• Geographical Information System
• Applications of  GIS
• MapInfo: Software of GIS
• Applications of MapInfo:
• Urban/city planning application
• Geostatistics data processing
• Mapping of nature and environment data
• Application in business development

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурал

"Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурал

МУИС-ийн "NUM-ITC-UNESCO"-гийн Зайнаас тандан судлал, газарзүйн мэдээллийн системийн лабораториос 2014 оны 6-р сарын 16-17-нд "Монгол улс дахь Зайнаас тандан судлал, Байгаль болон Хүрээлэн буй орчны инновациуд" сэдэвт хурал Улаанбаатар хотод зохион байгуулах болно. Хурлаар хэлэлцэх сэдвүүд нь:

• Гео-мэдээллийн шинжлэх ухаан, технологийн хандлага
• Зайнаас тандан судлалын хэрэглээнүүд
• Өндөр нарийвчлалтай хиймэд дагуулын дүрс мэдээнүүдийн хэрэглээ
• Шийдвэр гаргагч оронзайн системүүд
• Интернет буюу онлайн орчин дэхь гео-мэдээллийн системүүд
• Байгаль болон хүрээлэн буй орчны гео оронзайн мэдээллийн системүүд
• Байгалийн нөөц баялагийн менежмент дэхь гео-мэдээллийн хэрэглээ
• Биологийн олон янз байдал, экологийн судалгаан дахь гео-мэдээллийн хэрэглээ

зэрэг бөгөөд энэ сарын сүүлчээр буюу 4-р сарын 25-нд илтгэлүүдийн (илтгэлийн бүхий л хэлбэрүүдээр) хураангуйг, эрдэм шинжилгээний өгүүллэгүүдийг 5-р сарын 30-нд тус тус : NUMSSRSILab@gmail.com болон enhjargaln@gmail.com хаягуудаар хүлээн авч байна.

Нэмэлт мэдээллийг: